Aizarnako Herri Eskolako Bloga

  Eta Aizarnara, gurera, atzo etorri zinela badirudi ere, pasa dira aste batzuk eta elkar agurtzeko ordua iritsi zaigu, Gilen. Mila esker... ... laguntzeko duzun prestutasunagatik... ... barretxoengatik... ... martxoari ukitu morea emateagatik... ... ikasleekin konektatzeko egindako esfortzuagatik... ... LHkoa izanda, HHra egin dizkiguzun kuku horiengatik... ... gure zorakeria, elkarrizketa eta ospakizunetan konplize izatera animatzeagatik... ... Eskola Txikiei aukera bat emateagatik... ... basoa poesia bilakatzeagatik... ... kafea eta pastengatik... Aizarnako Eskolan txokotxo bat irabazi duzu eta nahi duzunerako, badakizu non gauden. Ez dizugu "AGUR" esango, IKUSI ARTE baizik. Zorte ona izan dezazula bizitzan eta Hezkuntza munduan egingo duzun ibilbidean. Hemen uzten dizkizuegu, orain dela pare bat aste Gilenek basoan irakurri zizkigun  poemak,  berak sortutakoak, eta zein baino zein ederragoak!

 

 

 

Arazo teknikoen ondorioz, ezin izan genuen hau atzo publikatu! Mila aldiz barkatu eta gaurkoan bai, atzoko partez, zorionak, Unax!  

Ostiralean, martxoaren 10ean, Tolosara joan ginen eskola txikien kirol topaketara. Batzuk kirol lehiaketan parte hartu zuten eta beste batzuk txokolate museora joan ziren. Ondoren, guztiok elkarrekin bazkaldu eta parkean jolastu genuen. Primeran pasa genuen!

Ostiralean, martxoaren 10ean, eskola-txikien kirol-topaketak Tolosan zirela aprobetxatuz, HH 4-5 eta LH 1-2ko ikasleek Rafa Gorrotxategiren txokolate museo-tailerra bisitatu zuten. Beraien diseinu propioak egin zituzten eta... a ze goxoak!